Fitih le Ethiopia

I wish democracy and unity for Ethiopia

በሊቦከምከም ወረዳ አንድ ታጣቂ 6 ፖሊሶችን ገደለ

ሰኔ (አሥራ  ስድስት) ቀን ፳፻፰ ዓ/ም ኢሳት ዜና :- በሊቦ ከምከም ወረዳ በደንጎሎ ቀበሌ አቶ አረጋ የተባለ ግለሰብ፣ እጁን ለመያዝ የሄዱትን 6 የፖሊስ አባላትን ገድሎ አንድ ስናይፐት ጠመንጃ መማረኩን የአካባቢው ምንጮች ገልጸዋል።

የፖሊስ አባላት በደረሳቸው መረጃ መሰረት እጁን ለመያዝ ሲንቀሳቀሱ፣ ታጣቂውም አስቀድሞ በደረሰው መረጃ መሰረት ራሱን አዘጋጅቶ በመጠበቅ በፖሊሶች ላይ ከባድ ጉዳት አድርሷል። አቶ አረጋ ጥቃቱን ካደረሰ በሁዋላ ለተወሰኑ ሰአታት ሌሎች ሃይሎች ይመጣሉ ብሎ ሲጠባበቅ መቆየቱንና በመጨረሻም ከአካባቢው መሰወሩን ነዋሪዎች ተናግረዋል።

መንግስት አቶ አረጋን ለመያዝ ተደጋጋሚ ሙከራ ሲያደርግ ቢቆይም፣ የአካባቢው ህዝብ አቶ አረጋን አሳልፎ ለመስጠት ባለመፈለጉ ከፍተኛ ችግር ሲደርስበት ቆይቷል። ምንም እንኳ ግለሰቡ ከዚህ ቀደም የተለያዩ ጥቃቶችን ሲፈጽም መቆየቱ ቢታወቅም፣ በታጠቁ ፖሊሶች ላይ በዚህ መጠን ጉዳት ሲያደርስ ይህ የመጀመሪያው ነው።

ከአቶ አረጋ ጋር ሌሎች ሃይሎች መኖራቸው ወይም የሚደግፋቸው ሌላ ሃይል ይኑር አይኑር የታወቀ ነገር የለም። በጉዳዩ ዘሪያ የወረዳው ፖሊስ ጽ/ቤትን ለማነጋገር ያደረግነው ሙከራ አልተሳካም

sourecs esat

poated by Tseday Getachew

Advertisements

Single Post Navigation

Comments are closed.

%d bloggers like this: