Fitih le Ethiopia

I wish democracy and unity for Ethiopia

ሕድሮም: ህወሓት የፖለቲካ አማካሪየን ሊታስርብኝ ነው – አብርሃ ደስታ

 ጓዶች ዓረና ባደረገው እንቅስቃሴ በትግራይ ክልል ሙሉ ድጋፍ እንዳለው አረጋግጧል። ይሄን ጉዳይ ህወሓትም ተረድቶታታል። እናም የህወሓት አመራር አባላት ዓረናን ለማዳከም አባላቶቻችን በጥቅም በመደለል፤ ካልተሳካ ደግሞ በማስፈራራት እንዲሁም በድንጋይ በመውገር ህዝብን የማነሳሳት እንስቅስቃሴያቸው እንዲያቆሙ ለማድረግ ሞክረዋል። አልሆነም። እናም አሁም የዓረና አባላትን (አስተባባሪዎችን) ለማሳሰር ዉሳኔ ተላልፈዋል። አሁን በግፍ ማሰር ጀምረዋል። አባላትን በማሳሰር ዓረናን ማዳከም ግን አይቻልም። ምክንያቱም ዓረና በህዝብ ልብ ገብቷል። ሁላችንም ቢያጠፉን እንኳ ዓረናን ማሸነፍ አይችሉም። አሁን በደረሰኝ መረጃ መሰረት በአፅቢ ወንበርታ ወረዳ ህዝብን ያነሳሳና ከአንድ ወረዳ አንድ ሺ አምሳ ሁለት (1052) አባላትን ያፈራ የዓረና ጀግና አቶ ሕድሮም ሀይለስላሴን ለማሳሰር ወስነዋል። የሕድሮም ተባባሪዎች ናቸው የተባሉትና እንዲታሰሩ የተወሰነባቸው የሚከተሉት ናቸው።
“በሰበብ አስባቡ” እንዲታሰሩ ዉሳኔ የተላለፈባቸው የአፅቢ ወንበርታ ወረዳ የዓረና አስተባባሪዎች:
(1) ሕድሮም ኃይለስላሴ
(2) ሓምሳለቃ ኪሮስ ሓደራ
(3) አስራለቃ ክንፈ ገብረህይወት
(4) አቶ ወልደገብር ኤል ኃይሉ
(5) ወይዘሮ አለማት ብርሃን ገብረገርግስ
በደረሰኝ መረጃ መሰረት እነኚህ ሰዎች ይታሰራሉ። ምናልባት ያልሰሙ ከሆነ ተገቢውን ጥንቃቄ ይደረግ። የሚታሰሩበት መንገድ “በሰበብ አስባቡ” ነው የሚለው። ስለዚህ በፍርድቤት ክስ ተመስርቶ በፍርድቤት ዳኛ ላይ ተፅዕኖ በመፍጠር ሊከናወን ይችላል። በአፅቢ ወንበርታ ወረዳ ብዙ ዳኞች ከስራቸው ተባረዋል። ፍትሕን ለማስፈን ጥረት በማድረጋቸው፤ በካድሬዎች ትእዛዝ ሳይሆን በሕገ መንግስት መሰረት ነው የምንፈርደው በማለታቸው ምክንያት። ዳኛ ካሕሳይ ዘገየ ጥሩ ምሳሌ ነው።
ሕድሮም ኃይለስላሴ አርሶአደር ሲሆን የታጋይ ልጅም ነው። አባቱ አቶ ኃይለስላሴ አሰፋ የቀድሞ የህወሓት ታጋይ ሲሆን ተሰውቷል። አቶ ሕድሮም አሁንም ለነፃንቱ የሚታገል ጀግናችን ነው። የፖለቲካ አስተማሪዬ ነው። ሌሎቹ ደግሞ የቀድሞ የህወሓት ታጋዮች ሲሆኑ አሁንም የነፃነት ትግላችን በሸፍቶች ተጠልፏል ባዮች ናቸው። ወደ ህወሓት ከመቀላቀላቸው በፊት በደርግ ስርዓት በደል ይደርስባቸው እነደነበረና አሁን ተመሳሳይ ግፍ እንደሚፈፀምባቸው ይናገራሉ። በዓረና ለዓረና እየታገሉ ብዙ ሰዎች ከጎናቸው ያሰለፉ ጀግኖች ናቸው።
ሕድሮም ኃይለስላሴ የፖለቲካ መምህሬና አማካሪየ ነው።
ሕድሮም! It is so!!!10155685_627468584000753_4676346970037171962_n

http://www.abugidainfo.com

posted by Tseday Getachew

 

Advertisements

Single Post Navigation

Comments are closed.

%d bloggers like this: