Fitih le Ethiopia

I wish democracy and unity for Ethiopia

ውይይት ከግንቦት 7 የፍትህ የነፃነትና የዴሞክራሲ ንቅናቄ (፩)

ethiowaga.gif

አብርሃም ያየህ (ክፍል አንድ)

የኤርትራን ነፃነት በተመለከተ የወያነ መሪዎችና ቲፎዞዎቻቸው ሁሌም ሊያስረዱን የሚፈልጉት፣ ኤርትራ ነፃነቷን ያገኘችው በነሱ ፍላጎት ሳይሆን፤ ሻዕቢያ ኢትዮጵያን በጦርነት አሸንፎ ኤርትራን ስለተቆጣጠረ ምንም ማድረግ የሚቻል ነገር ያለመኖሩን ነው። ይሁን እንጂ ይህ ትክክለኛ መግለጫ አይደለም።

 

በመጀመሪያ ደረጃ፣ ሻዕቢያ ያሸነፈው (ይህ ቀረው የማይባል የወያነ ድጋፍ ታክሎበት) ደርግን ነው እንጂ የኢትዮጵያን ህዝብ አይደለም። ሻዕቢያ የኢትዮጵያን ህዝብ ማሸነፍ እንደማይችል ደግሞ የባድመ ቁርቁስ በሚገባ አሳይቶን አልፏል። ቁርቁሱ አሳዛኝና አላስፈላጊ ባይሆንም። ከዚያ ባሻገር ደግሞ፣ የኤርትራም ይሁን የሌላ ሀገር ነፃነት በጡንቻ ሊረጋገጥ አይችልም። ምክንያቱም፣ በጡንቻ የተገኘ ነፃነት በጡንቻ ሊነጠቅ ይቻላልና። የወያነ ቁንጮዎች የኤርትራ ነፃነት በጡንቻ የተገኘ ነው የሚሉን ከሆነ፣ ዛሬ ኢትዮጵያ ከሻዕቢያ በበለጠ በኤኮኖሚዋና በመከላከያ ኃይሏ ጡንቻዋን ያፈረጠመች ሀገር ስለሆነች፣ የኤርትራን ነፃነት በኃይል መግፈፍ ትችላለች ብለን ልንደመድም እንችላለን ማለት ነው። ነፃነት በሕግ ይረጋገጣል እንጂ በጉልበት አይገኝም። ሻዕቢያ የሬፈረንደም ሃሳብ ያቀረበውም የኤርትራን ነፃነት ሕጋዊነት ለማልበስ ሲል ነው። በተቀረ፣ ኤርትራን በኃይል ተቆጣጥሬአለሁና ደህና ሁኑ ብሎ በተሰናበተን ነበር።

የኤርትራ ነፃነት በሕግ ተረጋግጦ በዓለም ህብረተሰብ እውቅና ሊያገኝ የሚችለው ደግሞ፣ የኢትዮጵያ ህዝብ በወከለው መንግሥት ወይም ጉዳዩ በሬፈረንደም አማካኝነት ለኢትዮጵያ ህዝብ ቀርቦ፣ ህዝቡ በቃን ኤርትራ ትሂድ ብሎ ሲወስን ብቻ ነው። የኢትዮጵያ ህዝብ በቀጥታ በሬፈረንደም ወይም በወከለው ፓርላማና መንግሥት አማካኝነት እውቅና ካልሰጠ የኤርትራ ነፃነት ብሎ ነገር የለም። ከዚህ አካሄድ ውጭ፣ ነፃነት በጉልበት የማይገኝ መሆኑን ለማስረዳት ረጅም ርቀት መጓዝ አያስፈልገንም። በቀላል መንገድ ግንዛቤ ለማስጨበጥ ሁሉም የሚያውቀውን አንድ ተጨባጭ ምሳሌ ልጥቀስ። … (ሙሉውን ጽሑፍ በፒ.ዲ.ኤፍ. ለማንበብ እዚህ ይጫኑ!

http://www.ethiopiazare.com/

posted by Tseday Getachew

Advertisements

Single Post Navigation

Comments are closed.

%d bloggers like this: