Fitih le Ethiopia

I wish democracy and unity for Ethiopia

ጋዜጠኛ ተመስገን በየነ

    የETvው ጋዜጠኛ ተመስገን በየነ ድብደባ እንደደረሰበት ሰማሁ፤ አዘንኩም። አንድ የዘነጋነው ነገር አለ። እውነት ነው፣ የገዢው ፓርቲ ተግባራት አንደግፍም። ገዢው ፓርቲ ስለማንደግፍ በመ

    ንግስት መስርያቤቶች ተቀጥረን አንሰራም ማለት ግን አይደለም። ልክ ነው፤ ኢቲቪ የመንግስት ሚድያ ሳይሆን የገዢው ፓርቲ የፕሮፓጋንዳ መሳርያ ነው።

    ብዙዎቻችን ድሆች ነን። ስራ እንፈልጋለን። የእንጀራ ጉዳይ ሁኖ በመንግስት ቢሮዎች እንሰራለን። በመንግስት ስንቀጠር መንግስትን ስለምንወድ ወይ ስለማንወድ አይደለም። ምግብ ስለሚያስፈልገን ነው። ምግብ ለማግኘት ሳንቲም ያስፈል…ጋል። ሳንቲም ለማግኘት ስራ ያስፈልጋል። የመንግስት ቢሮዎች ደግሞ ለብዙዎቻችን የስራ ምንጮች ናቸው።

    በመንግስት የተቀጠረ ሁሉ ገዢው ፓርቲ ይደግፋል ማለት አይደለም፤ ይቃወማል ማለትም አይደለም። የሚፈልገውን ገንዘብ ለማግኘት ግን እነሱ (ቀጣሪዎቹ) የፈለጉትን ነገር ወይ ስራ እንዲሰራ ግድ ይላል። የታዘዘውን ካላደረገ የሚፈልገውን አያገኝም። የሚፈልገውን ካላገኘ መኖር አይችልም። ስለዚህ የመንግስት ስራ የህይወት ጉዳይ ነው።

    ጋዜጠኛ ተመስገን የታዘዘውን ስላደረገ (የተፃፈለትን ስላነበበ) የድብደባ ሰለባ መሆን አልነበረበትም። የመንግስት ሰራተኞች ኮ ሓላፊዎች አሏቸው። የስራ ዕድገትና የደመወዝ ጭማሪ ለማግኘት የአለቆቻቸው ትእዛዝ ማክበር አለባቸው። ስለዚህ በመንግስት ሰራተኛ ላይ ጣት መቀሰር የመንግስት ሰራተኞች ሁኔታ ካለመረዳት የሚመነጭ ይመስለኛል።

    ስለዚህ ሁሉም የመንግስት ሰራተኞች (እንደሚናገሩት ወይ እንደሚሰሩት) የገዢው ፓርቲ ደጋፊዎች አይደሉም። ደሞ … የገዢው ፓርቲ ደጋፊዎች ቢሆኑስ? ኢህአዴግን የመደገፍ መብት የላቸውምን? የመንግስት ሰራተኞች እንደማንኛውም ዜጋ የፈለጉትን ድርጅት የመደገፍና የመቃወም መብት አላቸው።

    የምንታገለው ማንም ሰው በየፍላጎቱና በየምርጫው እንዲኖር እንጂ ከኛ ጋር ተመሳሳይ አመለካከት እንዲኖረው ለማስገደድ አይደለም።

    ስለዚህ በጋዜጠኛ ተመስገን በየነ ላይ የደረሰ ጥቃት እቃወማለሁ።

    It is so!!!See more

    posted by Tseday Getachew
Advertisements

Single Post Navigation

Comments are closed.

%d bloggers like this: