Fitih le Ethiopia

I wish democracy and unity for Ethiopia

አቶ መላኩ ፈንታ በአንድ ትንሽ ክፍል ውስጥ ብቻቸውን መታሰራቸውን ተናገሩ

 

ኢሳት ዜና:-ከሙስና ጋር በተያያዘ በእስር ላይ የሚገኙት የየኢትዮጵያ ገቢዎችና ጉምሩክ ባለስልጣን ዋና ዳይሬክተር    አቶ መላኩ ፋንታ በእስር ቤት ውስጥ ልብቻቸው በአንድ ትንሽ ክፍል ውስጥ ከመታሰራቸውም በላይ ለአንድ ቀን ብቻ ለ10 ደቂቃ እንዲናፈሱ እንደተፈቀደላቸው ተናግረዋል። ቀኑን ሙሉ በትንሽ ክፍል ውስጥ ተዘግቶብኝ ነው የምውለው ያሉት አቶ መላኩ ፣ መንግስት ለሚያውቀው በሽታቸው የሚሆን መድሀኒትም ቢሆን ከጊዜ በሁዋላ እንደቀረበላቸው ተናግረዋል። ቤተሰቦቻቸውን እና ጠበቆቻቸውን ግን ለማግኘት እንዳልተፈቀደላቸው አስረድተዋል። የእስር ቤቱ አዛዥ በበኩላቸው አቶ መላኩ እንደማንኛውም እስረኛ መያዛቸውን ተናግረዋል።

አቶ መላኩ ሰውነታቸው ገርጥቶ እና በህመማቸው የተነሳ አጎንብሰው በመራመድ ከፍተኛው ፍርድ ቤት መቅረባቸውን በስፍራው የተገኘው ዘጋቢያችን ገልጿል።

አቶ መላኩ ያለመከሰስ መብታቸው ተገፎ መያዛቸውን በተመለከተ በጠበቃቸው ያቀረቡት አቤቱታ በፍርድ ቤቱ ውድቅ ተድርጓል።

ከአፋር ጋድሌ ጋር በተያያዘ ባለስልጣናትን እና ፖሊሶችን ጨምሮ 14 ሰዎች ታሰሩ

ኢሳት ዜና:-ባለፈው ሳምንት ከአፋር ጋድሌ ወታደራዊ ንቅናቄ ጋር በተያያዘ  14 ሰዎች መታሰራቸውን፣ ከታሰሩት መካከልም፣ የቀበሌው ሊቀመንበር፣ የወረዳ ምክር ቤት አባል፣ አንድ ፖሊስ እና ሽማግሌዎች እንደሚገኙበት ለማወቅ ተችሎአል።

አብዛኞቹ የተያዙት በፌደራል ፖሊሶች ሲሆን በቅርቡ 70 የሚሆኑ የአፋር ወጣቶች አፋር ጋድሌ የሚባለውን  የትጥቅ ትግል በማድረግ ላይ የሚገኘውን ድርጅቶች መቀላቀላቸውን ተከትሎ ነው።

ከታሰሩት መካከል የሩማይቶ ቀበሌ ሊቀመንበር ፣አቶ  አብዱሊ ሞሚን፣ አፈጉባኤው ኖር አሊ፣ የፖሊስ አዛዡን  ያዮ አሊ ፣  አብዱጀሊል አንፈሬ፣ ሙሀመድ አሊ፣ ሙሀመድ ኢሴይ፣ ሙሀመድ ዩሱፍ፣ አቦ አብዱ፣ ፎካ ሀሌ፣ ሀቢብ መሀመድ፣ አብዱል ሁሴን፣ የ70 አመቱ  የሱፍ አህመድ፣ እና አብዱ ኑር ይገኙበታል።

በጉዳዩ ዙሪያ የአፋር ጋዲሌ ወታደራዊ አዛዥ የሆኑትን ኮሎኔል መሀመድ አህመድን አነጋገርናቸው፣ ኮሎኔልም የታሰሩ ሰዎች መኖራቸውንና አብዛዦቹ ከእርሳቸው ጋር ዝምድና ያላቸው መሆኑን ተናግረዋል። አንዳንዶች የት እንደገቡም እንደማያውቁ ኮሎኔሉ ገልጸዋል።

በሌላ ዜና ደግሞ በአፋርና በሶማሊ ሀውያ ጎሳዎች መካከል ትናንት በአዋሽ አርባ አካባቢ በተደረገ ከፍተኛ ውጊያ 5 አፋሮች ሲገደሉ 15 የሚሆኑት ደግሞ ቆስለዋል። ግጭት ከወር በፊት ከተካሄደው ግጭት ጋር የተያያዘ ነው። በሶማሊ ሀውያ ጎሳዎች በኩል የሞቱትን ሰዎች ቁጥር ለማወቅ ያደረግነው ጥረት አልታወቀም።

በጉዳዩ ዙሪያ የመንግስትን አስተያየት ለማግኘት ያደረግነው ጥረት አልተሳካም። የሶማሊ ክልል ሚሊሺያዎች ከክልላቸው አልፈው በአፋር ክልል ስለሚፈጽሙት ጥቃት የሚሊሺያ አዛዡን የክልሉን ፕሬዚዳንት አቶ አብዲን ለማግኘት  ሙከራ ብናደርግም አዲስ አበባ ለስብሰባ መሄዳቸውን ጸሀፊያቸው በመግለጽ ሳይሳካ ቀርቷል።

በቤይሩት በቤት ሰራኝነት ተቀጥራ የምታገለግል አንዲት ኢትዮጵያዊ ወጣት፣ አሰሪዋን ሆን ብላ በፈላ ውሃና በእሳት አቃጥላለች በሚል በቁጥጥር ስር መዋሏን ደይሊ ስታር የተሰኘው ድረ ገጽ ዘገበ።

ኢሳት ዜና:-በዚሁ የዜና ዘገባ መሰረት በሰሜን ቤይሩት ግዛት ማስቲታ ጀቢል በተሰኘ ስፍራ የምትኖረው የ70 ዓመቷ አረጋዊት ወ/ሮ ሳሚያ፣ ድንቅነሽ የተሰኘች የ24 ዓመት ዕድሜ ያላት ኢትዮጵያዊት የቤት ሰራተኛዋ፣ ከነሃስ በተሰራ ቅርፃ ቅርጽ ጭንቅላቷን ከመታቻት በኋላ የፈላ ውሃ ፊቷ ላይና ደረቷ ላይ በማፍሰስ ጉዳት አድርሳባታለች።

አደጋ የደረሰባት ግለሰብ ለህክምና በአቅራቢያው ወደሚገኝ ሆስፒታል እንደተወሰደች የሚያትተው ይኸው ዘገባ፣ ፖሊስ የወንጀሉን መንስዔ ለማጣራት ምርመራ በማድረግ ላይ መሆኑን አስታውቋል። በቤይሩት የሚኖሩ ኢትዮጵያውያን እሕቶቻችን በአሰሪዎቻቸውና በደላሎች እጅግ አስከፊ ግፍና በደል እንደሚፈፀምባቸው የሚታወቅ ሲሆን፣ በዚህም የተነሳ በተለያየ መንገድ ለሞትና ለአካል ጉዳት፤ እንዲሁም ለአዕምሮ ሕመም የተዳረጉ ኢትዮጵያውያን እህቶች ቁጥራቸው እጅግ በርካታ እንደሆነ ይታወቃል።

እንግሊዝ አገር የሚታተመው ዘጋርዲያን የተሰኘው ጋዜጣ ከአንድ ዓመት በፊት እንደዘገበው ከሆነ በሊባኖስ ውስጥ ከ60-80ሺህ የሚገመቱ ኢትዮጵያዉያን በቤት ሰራተኝነትና በተመሳሳይ የስራ መስክ ተቀጥረው እንደሚያገለግሉ የሚታወቅ ሲሆን ከነዚህም ዉስጥ ህጋዊ የሆኑት 43ሺህ ያህሉ ብቻ ናቸዉ።

ከአዲስ አበባ 430 ኪሎሜትር ርቀት ላይ የሚገኘው በኦሮሚያ ክልል በባሌ ዞን አጋርፋ ወረዳ

አናለማ ቀበሌ ገበሬ ማኀበር የሚገኙ ጡረተኞች በማኀበር ተደራጅተው ሲሰሩበት ከነበረው

መሬት በድንገት መፈናቀላቸውን ገለጹ

ግንቦት ፱ (ዘጠኝ) ቀን ፳፻፭ ዓ/ም

ኢሳት ዜና:-ጡረተኞቹ የጎባና የአካባቢው ጡረተኞች ማኀበር በሚል ተደራጅተው በ1991 ዓ.ም፣ 200 ሄክታር መሬት ተረክበው ሲሰሩ እንደነበር በመሃል 75 ነጥብ 25 ሄክታር መሬት መነጠቃቸውን በአሁን ወቅት ደግሞ ከፍተኛ ገንዘብ አውጥተው እያለሙ ያሉትን መሬት ሙሉ በሙሉ መነጠቃቸውን ገልጸዋል፡፡ መሬቱ ለ25 ዓመታት ተዋውለን የተረከብነው ነው ያሉት ቅሬታ አቅራቢዎቹ በ30 ሄክታር መሬት ላይ ከ75 ሺ ብር በላይ ለትራክተር ኪራይ፣ ለዘር መግዣ አውጥተን ልንዘራ በተዘጋጀንበት ወቅት የጎባ ዞን ኢንቨስትመንት ቢሮ ግልጽ ቦታውን አላለማችሁትም በሚል ምክንያት መሬቱን እንድናስረክብ አስገድዶናል፤ እኛ ግን መሬቱን ጦም አሳድረነው አናውቅም ሲሉ ተናግረዋል፡፡ ማኀበሩ በጎባና አካባቢዋ የሚኖሩ 264 ጡረተኛ አባላት ያሉት ሲሆን እነዚህ አባላትም ከ1ሺ500 በላይ ሰዎችን በስራቸው እንደሚያስተዳድሩና በአሁኑ ሰዓት አባሎቻችን ከነቤተሰባቸው በችግር ላይ ናቸው ሲሉ ተናግረዋል፡፡

ESAT
posted by Tseday Getachew
Advertisements

Single Post Navigation

Comments are closed.

%d bloggers like this: