Fitih le Ethiopia

I wish democracy and unity for Ethiopia

ሰበር ዜና – 117ኛው የቦስተን ማራቶን በቦምብ ተመታ፤ ፕ/ ኦባማ መግለጫ ሰጡ

ዛሬ በተካሄደው 117ኛው የቦስተን ማራቶን ፍፃሜ መሥመር ላይ በደረሱ ሁለት ፍንዳታዎች ቢያንስ ሁለት ሰዎች ተገደሉ፡፡

ከመቶ ሰው በላይ ሰው መቁሰሉና መጎዳቱም ታውቋል፡፡

በከተማይቱ ሌላ ክፍል ውስጥ በሚገኘው የጆን ኤፍ ኬኔዲ ቤተ መፃሕፍት ውስጥ በደረሰ ፍንዳታም የእሣት ቃጠሎ ተነስቷል፡፡

ሌሎች ሦስት ያልፈነዱ መሣሪያዎች መገኘታቸውና አንዱም ከቦስተን ወጣ ብሎ በሚገኘው ኒውተን ከተማ ውስጥ መሆኑን ስለምርመራው ሂደት ለጋዜጠኞች መግለጫ የሰጡ ባለሥልጣናት ማምሻውን ተናግረዋል፡፡

የዩናይትድ ስቴትስ ፕሬዚዳንት ባራክ ኦባማ ለጋዜጠኞች በሰጡት በቀጥታ የተላለፈ አጭር መግለጫ የጥቃቱን አድራሽ ወይም አድራሾች /ሰዎች ወይም ቡድኖች/ ተከታትለው እንደሚይዙ ቃል ገብተው ተጠያቂዎች “…ፍትሕን በምሉዕ ክብደቷ ያገኛሉ…” ብለዋል፡፡ እንደሚሰጣቸው አስታውቀዋል፡፡

ፕሬዚዳንቱ ጥቃቱን ማን እንዳደረሰና ለምን እንዳደረሰ ገና እንደማያውቁ ገልፀዋል፡፡ ጥቃቱ የሽብር ይሁን ወይም ሌላ፤ በሃገር ውስጥ የተቀነባበረ ይሁን ከውጭ የተላከ ጥቃት እና ሌላም ዝርዝር ጉዳይ አልተናገሩም

ፕሬዚዳንቱ በተጨማሪም በመላ ዩናይትድ ስቴትስ የተጠንቀቅ ደረጃው ከፍ እንዲልና የቦስተኑም አደጋ በአስቸኳይ እና በቅርበት እንዲጣራ ለሃገር ውስጥ ፀጥታ ሚኒስትራቸውና ለፌደራሉ የምርመራ ቢሮ ኃላፊዎች ትዕዛዝ ማስተላለፋቸውን ተናግረዋል፡፡

ፕሬዚዳንቱ አክለውም ከማሣቹሴትስ ገዥና ከቦስተን ከንቲባ ጋር መነጋገራቸውን ስለሁኔታው ለአሜሪካ እንደራሴዎችም መልዕክት ማስተላለፋቸውንና በዚህ የአደጋ ጊዜ ዴሞክራቶች ወይም ሪፐብሊካን አለመሆናቸውን፤ ይልቅ ሁሉም አብረው የሚቆሙ አሜሪካዊያን መሆናቸውን ያሳሰቧቸው መሆኑን አመልክተዋል፡፡

ከዓመታዊው የቦስተን ማራቶን በተጨማሪ ዛሬ ለከተማይቱ የአርበኞች ቀን ሕዝባዊ በዓል ነው፡፡

ፍንዳታው ሲደርስ የማራቶኑ ውድድር ፈፃሚዎች ወደ ፍፃሜው መሥመር እየተቃረቡ የነበረ ቢሆንም በፍንዳታው ምክንያት 117ኛው የቦስተን ማራቶን ወዲያው ተቋርጧል፡፡

ተጨማሪ መረጃ እንዳገኘን እየተከታተልን እናቀርባለን፡፡

የ117ኛው የቦስተን ማራቶን ተወዳዳሪዎች ከሃፕኪንተን-ማሣቹሴትስ ሩጫቸውን እንደጀመሩ፤ ሚያዝያ 7/2005 ዓ.ም /April 15, 2013/
የ117ኛው የቦስተን ማራቶን ተወዳዳሪዎች ከሃፕኪንተን-ማሣቹሴትስ ሩጫቸውን እንደጀመሩ፤ ሚያዝያ 7/2005 ዓ.ም /April 15, 2013
ፕሬዚዳንት ኦባማ የቦስተኑን ማራቶን ፍንዳታ ተከትሎ በዋይት ሃውስ ለጋዜጠኞች የሰጡት መግለጫ ሙሉ ቃል /በእንግሊዝኛ/
 
posted by Tseday Getachew
Advertisements

Single Post Navigation

Comments are closed.

%d bloggers like this: